ʚღ ♂ ♀ منتدى عالم المشاهير ʚღ ♀ ♂
اهلا في منتدى عالم المشاهير
ارجو التسجيل في المنتدى بسرعة

ʚღ ♂ ♀ منتدى عالم المشاهير ʚღ ♀ ♂



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ايتها الزوجة .. اذا تبين الرجال يصير ذوق .. لا تقولين ودينا للسوق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sarah
المديرة
المديرة
avatar

انثى الاسد عدد المساهمات : 222
نقاط : 532
السٌّمعَة : 0
العمر : 20

مُساهمةموضوع: ايتها الزوجة .. اذا تبين الرجال يصير ذوق .. لا تقولين ودينا للسوق   الأحد أغسطس 29, 2010 11:30 pm

مساكم الله بالخير الكل والجميع والله يجعله عليكم شهر مبارك كله خير ونعمة ودفس من اللذي منه
من بعد ما الواحد يدمغ ذاك الفطور الزين ويقحن في القهوة والشاهي .. وتبدا اطرافه تصيبها خدره يا زينها من خدرة ويمدد رجليه في الصالة وما يبي احد حوله .. وده يحط البيت كله على نظام Muteولا احد يوطوط حوله ولا يقطع عليه حبل افكاره .. فجاءة يجيك ذا الصوت اللي ما تدري من وين الله جابه لك .. ( قم ودنا للسوق ) تقوم ساعتها ترقل رجولك وتجري على غرفة النوم وتمسك كرت العائلة وودك انك تسوي له تغيير وتشطب ذاك الاسم وتخلي المكان فاضي .. مير الدولة عرفت الهرجة من بدري وسوت له تغليف ملعون جدف ما يمديك حتى تسوي له سكان وتغيره .. كانها دمغة بتبقى على جبينك طول العمر
طبعا تتعوذ من ابليس وتقول انا لله وانا اليه راجعون والسوق ذا ما يخلص .. محد يسوي اعتصام والا احتجاج في السوق وما عاد انهم يبيعون شي ؟ ياخي مرة وحدة في حياتكم قلدو الغرب في انكم تسوون اضراب على الاسواق وقولو مانبي سوق .. نبي الرجال يروق .. لكن وييييين يا ابو والله يا ان ذا السوق بينشب لك طول العمر
المهم تاخذ ام العيال والعيال وتنقز تدور اقرب سوق لك لكن المرة تقول لك لاااااا السوق اللي جنبنا ما يمدحونه يقولون بضاعتهم قديمة .. اجل خليهم يتبرعون فيه اذا بضاعتهم قديمة والا ليش يدفعون اجارات وفواتير ومتعبين حالهم وفاتحين محلات .. ويجيك صوتها من هنااااك .. اقول نبي السوق هذااااااااك << كناية عن البعد والزحمة .. وللمرة الثانية تقول انا لله وانا اليه راجعون .. وبعد ما راثون وطقاق وبواري يمكن السنة كلها ما قد اصرفت على البوري كثره توصل للسوق المراد الشراء منه .. ويبدا المشوار .. طبعا المشوار ماهوب مشوار انك تروح من محل لمحل لااااا .. تبدا مشوار الاستغفار ومجاهدة النفس عشان عيونك لا تقزقز من هنا والا هنا .. خبركم الواحد في رمضان يحاول يحسن اخلاقه
لكن وين الواحد تتحسن اخلاقه وهو يشوف مناظر تروع وتجيب الفايبريشن للنفس .. سبحان الله كن السوق يصير احلى في رمضان ان كان ماني واهم .. يجونك المستضعفين في الارض الرجال .. شماغه طاير فوق راسه وعرقانه تنزل من جبهته كنه متوضي لصلاة الظهر والدنيا حر وماهوب راضي ينشف الماء .. وما غير يدخل يده في جيبه ويطلع في ذي الدراهم اللي رابطها في مطاط ويلحس اصبعه ويعد وهقوتي والله اعلم الين ما يخلص من السوق والا اصبعه ممسوحة البصمات منه .. ويجونك الاخوات الاعداء من محل الى محل المشكلة تشوف شي يعجبها وهذا زينه ولا قالها هذا بخمسمية تقول لاااا وع انا لاقيته بميتين في المحل اللي جنبه .. تكذبين في رمضان يا بنت الناس ليه ؟؟؟ وبعد ما تفر محل ومحلين وثلاث وتلاقي نفس الغرض تشتريه بسبعمية ريال تقول حالفة انها تخسر زوجها .. تقول لا هذا باين عليه اصلي وما يضحك علينا .. وتجيك الاخت الثانية ما غير تعبي في ذي الاكياس من كل طرف تقول حالفة انها توجب كل المحلات وما تزعل احد منها .. يعني تبين تقضين ملابس السنة كلها الحين في رمضان ليييييه ؟؟ وش الدافع وش المضمون وش المعنى ؟؟ والمشكلة لا رجعت البيت تقوم وتتصل على خواتها وتقول رحت السوق وما لقيت شي فالح واشتريت لي قطعتين وجيت .. وهي شارية نص القائمة حقت وزارة التجارة من الملابس
ويجونك بعض الاخوات الاعداء يا سبحان الله .. ما عرفت تتكخشك غير في رمضان .. والمشكلة لا مريت من عند بعض المحلات الناعمة واالا تلاقيهم ماسكين ملابس حرف T والا نظارة نظام كبير وترجع لنفس المشوار اللي قلته لكم من اول وانت تقول لاحول ولا قوة الا بالله .. انا لله وانا اليه راجعون .. وتغض النظر وتطالع في الارض وما تشوف غير عيون بزارين تقزقز فيك وهم راكبين عربيات مستاجرينها مدري بكم .. كان البيت مافيه سياكل وفمه غدى مثل فلم كرتون زمان كان يجي اسمه بوزو ( ذا وورلد موست فيموس كلاون ) الله يحرقه يا اني كنت اكرهه .. المهم ما علينا وتلاقيه يرم لك من ذا البطاطس والكاتشب اللي البنقالي عافس فيها الين قايل بس .. واذا انحطت النعمة في البيت قال لا ماني مشتهي ما ابي اكل .. لعنبو ابليسكم انتو متفقين مع امهاتكم على الصرف .. تقول شايفين الابو بطاقة صراف ماهوب ابو
يا حليلهم الاجانب ماشي هو وحرمته ومعاه ورقة(ن) وش صغرها وكل ما شرى له شي اشوفه يشطب على الورقة وبعد ما يخلص من الشطب يقول لمرته خلاص يا ماما مافيش حاقة نائصة .. وحنا الحمد لله كل شي ينقصنا عمرنا ما كمل عندنا شي مدري متى راح نكتمل ؟
ويجونك ذا العزاب اللي شروى بعض الناس اللي اعرفهم يتميلحون ويتكشخون وهقوتي ما يتروشون غير في رمضان والحلاقة كل يوم والا يومين والله لو انه العيد ما حلق زي كذا .. وهاتك يا شرى .. اشي كبكات واشي اقلام واشي ساعات وسبحان الله ما تحلى هالامور غير في رمضان .. كان الوقت يصير اغلى في رمضان وكان الثوب ما يحلى غير بكبك الواحد يشتريه في رمضان وكان الواحد خطه ما يتحسن الا اذا شرى قلم في رمضان
لكن ما اقول غير الله يهدينا جميع .. ومحاكيكم ماهوب احسن من غيره .. بس يمكن افرق عن غيري .. باني اصلا ما بقى لي فلوس عشان اشتري لي شي .. ماقصرت بنت الاجواد .. كلت الاخضر واليابس
بس للمعلومية احسن شي في طلعة السوق .. انك تستغفر وتقول انا لله وانا اليه راجعون اكثر واطول وقت ممكن
عزيزي العيار .. ومنتي عزيزتي العيارة << نظام مطاوعة في رمضان
وشهو له السوق يصير في عينك هذا زينه في رمضان ؟؟
وشهو له تشتري اللي تبيه واللي ما تبيه في رمضان ؟؟
وشهو له قاعد تقرى موضوعي قم تسحر ابرك لك

ودمتم بكل ود

_________________
الرجوع الى أعلى الصفحة اذهب الى الأسفل
http://sarahmaha.ahlamontada.com
 
ايتها الزوجة .. اذا تبين الرجال يصير ذوق .. لا تقولين ودينا للسوق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ʚღ ♂ ♀ منتدى عالم المشاهير ʚღ ♀ ♂  :: عالم الضك والتسليه :: اضحك وبس ولا تخلي مكان للحزن-
انتقل الى: